Құрамында уран бар қиын аршылатын материалдарды қайта өңдеу

²³⁵U бойынша 5 %-ға дейін байытылған керамикалық сұрыпты уран оксиді ұнтағын өндіруге арналған әмбебап технологиясы шикізат ретінде құрамында уран бар кез келген материалдар, соның ішінде аршылуы қиын материалдарды пайдалануға мүмкіндік береді.

«ҮМЗ» АҚ технологиялық сұлбасының басқа отын өндірушілердің технологиясынан негізгі айырмашылығы – бұл өндіріске тартылатын барлық уранды 100% аффинаждау Мұның нәтижесінде бастапқы шикізат түріне қарамастан, ең жоғары тазалық деңгейіндегі өнім алынады. Алынған уран оксидінің ұнтақтары қоспалардың құрамы бойынша жетекші өндіруші фирмалардың спецификация талаптарына толық сәйкес келеді. 

Өндіріс технологиясы Тапсырыс берушінің спецификациясының жеке талаптарына сәйкес ұнтақтардың керамикалық сипаттамаларын басқаруға мүмкіндік береді және бастапқы материалдың түріне байланысты емес.

«ҮМЗ» АҚ  GNF (АҚШ және Жапония), Cogema, Orano (Франция), Sogin (Италия), «ТВЭЛ» АҚ (Ресей), NFI (Жапония), WSE (Швеция), ENUSA (Испания) сияқты ядролық нарықтың қатысушыларымен табысты жұмыс тәжірибесіне ие.