Барлығы бақылауда
ҮМЗ автокөлік шаруашылығында ауқымды өзгерістер болды. Әдеттегі мониторинг пен есепке алу әдістері цифрлық жүйесімен алмастырылды – Omnicomm Online.
Жаңа жүйе қызметкерлердің тәртіптілігін бақылау және арттыру үшін енгізілді. Егер көлік маршрут бойынша жүрсе, басшы оның қай жерде екенін нақты біледі. Екінші негізгі фактор – жылдамдық тәртібін қатаң сақтау. Егер зауыт аумағында 30 км/сағ шектеу қойылса, жылдамдықты тіпті 2 км/сағатқа асыруға тыйым салынады.
Бүкіл Қазақстан геоаймақтарға бөлінген. Жол учаскелері нақты сызылған және рұқсат етілген жылдамдық берілген. Зауыттың нормалары көбінесе жалпымемлекеттік жол жүру ережелерінен де қатаң. Мысалы, ереже бойынша трассада 110 км/сағ рұқсат етілсе, онда ҮМЗ жүргізушілері үшін рұқсат етілген жылдамдық – 100 км/сағ. Спутниктік трекерлермен автомобильдер 100% жабдықталған.
Omnicomm Online бағдарламалық жасақтамасында үлкен аналитикалық блок бар. Мысалы, «Есептер» бөлімі бұзушылықтарды егжей-тегжейлі көрсетуге, жүргізушілердің рейтингтерін қалыптастыруға, отын беруді бақылауға, рейстердің орындалуын бақылауға, ТТ өтуге және геоаймақтарға баруын бақылауға мүмкіндік береді.
GPS-мониторингтен басқа, КҚББЖ мемлекеттік жүйесі (көлік құжаттарын басқарудың бірыңғай жүйесі) енгізілуде. Енді жүк көтергіштігі 1,5 тоннадан немесе сыйымдылығы 8 орыннан асатын бірде-бір машина авторизациясыз және QR коды бар электрондық жол парағынсыз желіге шықпайды. Рейс алдындағы медициналық тексеру және тауар-көлік жүкқұжаттарын қоса алғанда, барлық құжаттама электрондық түрде ресімделеді және ЭЦҚ-мен қол қойылады. Жаңа цифрлық құралдар автопаркті толық бақылауға және кәсіпорынның барынша тиімді жұмыс істеуіне мүмкіндік береді.
