Шеберлікке апарар жолы
Радиоэлектроника мен ӘДӘ-нен ҮМЗ-дегі шеберлікке дейін – Александр Кузьминнің балалық әуестігі өмірлік кәсібі мен ісіне деген сүйіспеншілікке ұласты.
ҮМЗ-ге ол 2022 жылғы қарашада 6-разрядты телефон байланысының станциялық жабдығының электрмонтері болып жұмысқа орналасты. 2 жыл ішінде Александр біліктілігін 7-ші разрядқа дейін арттырып, 5 табысты рационализаторлық ұсыныстың авторы атанды, 4 алғысқа ие болды және «2024 жылғы өндірістегі үздік цифрлық шешім» номинациясында жеңіске жеткені үшін «Қазатомөнеркәсіп» ҰАК» АҚ-ның II дәрежелі грамотасымен марапатталды. 2025 жылы ол мұрагерлер пулына енгізіліп, осы жылдың шілдесінде энергетикалық орталықтың байланыс құралдарын жөндеу және пайдалану шебері болып тағайындалды. Оның міндеттері – телефон станциясын үйлестіру және жедел басқару, үздіксіз байланысты қамтамасыз ету, технологиялық ақаулардың себептерін талдау және оқиғалардың алдын алу шараларын әзірлеу. Ал басты өмірлік және кәсіби ұстанымдары – адалдық, жауапкершілік, тапсырмаларды сапалы орындау және үздіксіз даму.
