ҮМЗ МЕТАЛЛУРГТЕРІ КӘСІБИ МЕРЕКЕНІ АТАП ӨТУДЕ
ҮМЗ металлургтері кәсіби мерекені атап өтуде
Өскемен қаласы nbsp;13 шілде 2018ж.;
«Үлбі металлургиялық зауыты» АҚ ұжымы 15 шілде күні Металлургтер күнін атап өтеді. Металлургия Қазақстан өнеркәсібінің негізгі саласы болып табылады. Үлбі металлургиялық зауыты серпінді дамып келе жатқан, экономикалық тәуелсіз елді құрайтын кәсіпорындардың арасына кірген.
Бұл жөніндегі «ҮМЗ» АҚ Басқарма Төрағасы Рустам Медео өз құттықтауында атап өткен:
- Бүгінгі күні ҮМЗ қарқынды дамып келе жатқан Қазақстан металлургиясының флагманы болып табылады. Кәсіпорында жаңа технологиялар әзірленіп, енгізілуде, өнім номенклатурасы кеңейіп келеді. «ULBA» тауар белгісі бүкіл әлемге кеңінен танылып, жоғары сапа кепілдігіне айналды. «Қазатомөнеркәсіп» ҰАК саясатының маңызды саласы ретінде ҮМЗ жылу бөлгіш құрамаларды шығару бойынша зауыты салу – стратегиялық маңызды жобаны жүзеге асыруда. Жаңа зауытты отын таблеткаларымен қамтамасыз ету үшін және басқа да келісім шарттарды сәтті орындау үшін таблеткаларды шығару өндірісі қайта жаңғыруда. Оның іске қосылуы өзіндік құны жоғары уран өнімдерін шығаруға мүмкіндік береді.
ҮМЗ шығарылатын ерекше металдар ғылыми және технологиялық новацияларға жол ашуда. Сол себепті жаңа ойлар мен өнертапқыш ісін қолдау зауыт қызметінің бір бағыты болып табылады. «Алдағы уақытта медицинада қолдану үшін титан және сирек металдан жасалған өнімдерді шығару жөніндегі» ШҚО Әкімшілігінің Жол картасы шеңберінде, тантал өндірісінде «Танталдан және тантал құрамдас қоспалардан имплантаттардың өндірісінің технологиясын дайындау» жобасы жүзеге асырылып келеді. Үлбі металлургиялық зауыты бериллийді шығару және жүзеге асыру көлемі бойынша әлемнің үштен бір бөлігін алып отыр. Соған қарамастан кәсіпорын өнімнің жеткізілу жағрапиясы кеңейтілуде.
Жоғары сапалы метал бериллийді жеткізу бойынша келісімшарттар сәтті жүзеге асырылуда. Жапон нарығы үшін жоғары сапалы металл берилийінің ұзақмерзімді жеткізілімі туралы келіссөздер жүргізілуде.
Тантал өндірісінің көлемі ұлғайып келуде. Плавиковошпаттық концентратты жеткізу жөніндегі келісімшарт қайта қолға алынды. Осы жобаларды жүзеге асыра отырып, кәсіпорын «қалдықтар кіріске» ұранын қолдайды.
- Алайда зауыттың ең басты байлығы ол адамдар. Үлбілік отбасының саны жылдан-жылға көбеюде. Кәсіпорындағы барлық жетістіктер – бұл, алдымен, үлбіліктердің жаңқиярлықтың көпжылдық жемісті еңбегінің нәтижесі мен жоғары кәсіби біліктілігі, деді - өз құттықтау сөзінде «ҮМЗ» АҚ Басқарма Төрағасы Рустам Медео.
Металлургтер күні қарсаңында жыл сайынғы дәстүр бойынша кәсіпорынның ең үздік жұмысшылары зауыт басшылығымен марапатталды. Зауыттың жиырма жұмысшының сүреті зауыттың Құрмет тақтайшасына орналастырылды, он бір адамға Құрмет грамоталары берілсе, 130 адамнан астам жұмысшыға алғыс жарияланды.
Металлуртер күні қарсаңында ҮМЗ қызметкерлері мен ардагерлері «ULBA» ОМҮ жиналады. Онда мерекелік концерт өтіп, жыл сайынғы дәстүр бойынша лотерия ойнатылатын болады. Бас жүлде – алыс шет елдерге туристік жолдама.
· «Үлбі металлургиялық зауыты» АҚ - атом энергетикасының, электрондық, металлургиялық өнеркәсіптің және басқа қызмет салаларының қажеттіліктеріне арналған әлемдегі танымал уран, бериллий, тантал және ниобий өнімдерін өндірушілердің бірі. Кәсіпорын «Қазатомөнеркәсіп» Ұлттық атом компаниясының құрамына кіреді.
· «Қазатомөнеркәсіп» ҰАК» АҚ – уран мен оның қосындыларының, сирек металдар, атом электростанциялары үшін ядролық отын, арнайы құрал-жабдық, қос арналымдағы технологиялар мен материалдар экспорты бойынша Қазақстанның ұлттық операторы. Компания қызметінің негізгі бағыттары болып табылады: геологиялық барлау, уран өндіру; ядролық отын циклінің өнімдерін өндіру; конструкциялық материалдар өндірісі; энергетика; ғылым; әлеуметтік қамсыздандыру және кадрлар даярлау. Казатомпром Қазақстан Республикасындағы жаңғыртылатын энергетика бағдарламасының белсенді қатысушысы болып табылады. Бүгінгі таңда компанияда 27 000-нан астам адам жұмыс істейді. Казатомпром әлемнің жетекші уранөндіруші компанияларының қатарына кіреді.
«ҮМЗ» АҚ Баспасөз қызметі
Жаңарту күні: 15.10.2024
