• Атом энергетикасы, электронды және металлургиялық өнеркәсіп және басқа да қызмет облыстарының қажеттіліктеріне арналған уран, бериллий, тантал мен ниобий өнімдерін өндіруші. Кәсіпорын «Қазатомөнеркәсіп» Ұлттық атом компаниясының құрамына кіреді. Болашаққа бізден бірге!
  • «Үлбі металлургиялық зауыты» АҚ Уран өндірісі – бұл атом электрстанцияларына арналған уран отынын өндіретін әлемдегі бірегей және ірі кешендердің бірі, ядролық саладағы жұмыс тәжірибесі де мол болып табылады. Болашаққа бізден бірге!
  • «Үлбі металлургиялық зауыты» АҚ бериллий өндірісі әлемдегі кен концентратын қайта өңдеуден сапалық параметрге бағыттап, дайын өнім түріне дейін шығаратын толық өндірістік циклі бар үш кәсіпорынның бірі. Болашаққа бізден бірге!
  • "Үлбі металлургиялық зауыты" АҚ тантал өндірісі ТМД аумағында жеке және әлемде тантал қосылған шикізатты қайта өңдеуден дайын өнім алуға дейін толық өндірістік циклі бар аса ірі кәсіпорындардың қатарына жатады. Болашаққа бізден бірге!

Уран қосылған өнім

Уран өндірісі

«Үлбі металлургиялық зауыты» АҚ Уран өндірісі – бұл атом электрстанцияларына арналған уран отынын өндіретін әлемдегі бірегей және ірі кешендердің бірі, ядролық саладағы жұмыс тәжірибесі де мол болып табылады.

Көрсетілетін қызметтердің кең спектрі, өндірістік және маркетингтік саясат, жоғары сапалы өнім Үлбі металлургиялық зауытының АЭС-ке арналған ядролық отынның әлемдік нарығына белсенді қатысуына мүмкіндік береді.

Қатаң мемлекеттік бақылау жағдайларында құрамында уран бар материалдарды қайта өңдеу нарығындағы жарты ғасырлық жұмыс тәжірибесі, біліктілігі аса жоғары персонал тұтынушылардың кез келген талаптарын қанағаттандыратын өнімді кепілдемелі өндіруге мүмкіндік береді.

Кәсіпорынның мамандары әзірлеген бірегей технология дәстүрлі шикізат түрлерін ғана емес, сонымен қатар құрамында уран бар қиын аршылатын материалдар: күл, ерімейтін, соның ішінде құрамында жанып кететін тұтқыштар (эрбий мен гадолиний) бар шөгінділерді тиімділігі жоғары қайта өңдеуді қамтамасыз етеді. Қолданылатын технологияның әмбебаптылығы құрамында уран бар материалдардың көп спектрін, соның ішінде қалпына келтірілген шикізатты Тапсырыс берушінің спецификациясының ең жоғары талаптарына сәйкес келетін өнімге дейін қайта өңдеу мүмкіндігінен көрінеді.

Озық технологияларды, автоматтандырылған басқаруды және заманауи технологиялық жабдықты пайдалану құрамында уран бар материалдар және оны қайта өңдеу өнімдерімен адамның қатынасқа түсуін барынша азайта отырып, технологиялық процесті автоматты режимде жедел басқаруға және түзетуге мүмкіндік береді.

«Үлбі металлургиялық зауыты» АҚ Уран өндірісі  Қазақстан Республикасында алғашқы болып сапа менеджменті жүйесінің халықаралық талаптарға сәйкес келуіне сертификаттаудан өтті.

«ҮМЗ» АҚ Уран өндірісінің өндірістік қызметі экология саласындағы әлемдік талаптарға сәйкес келеді, ал қолданыстағы қоршаған орта менеджменті жүйесі 2004 жылғы нұсқадағы ISO стандартына сертификатталған.     

Қазіргі уақытта уран өндірісі төмендегілерді жеткізуші ретінде сертификатталған:

  • керамикалық сұрыпты уран диоксидінің ұнтақтары – америкалық General Electric компаниясы (1998 жылы);
  • керамикалық сұрыпты уран диоксидінің ұнтақтары – жапониялық Nuclear Fuel Industry компаниясы (2010 жылы);
  • AFA 3G типті отын таблеткалары – франциялық AREVA NP компаниясы (2010 жылы);
  • AFA 3G типті отын таблеткалары – қытайлық CJNF компаниясы (2010 жылы);
  • уран диоксидінің ұнтақтары – швециялық Westinghouse компаниясы (2012 жылы). 

  • Қазіргі таңда «Үлбі металлургиялық зауыты» АҚ Уран өндірісі әлемдік нарықта төмендегі өнімдер мен көрсетілетін қызметтерді ұсына алады:

    • табиғи уранның шалатотық-тотығы;
    • керамикалық сұрыпты уран диоксидінің ұнтақтары;
    • ВВЭР, РБМК типті ресейлік дизайндағы реакторларға арналған отын таблеткалары, соның ішінде жанып кететін тұтқыш қоспалары бар;
    • PWR типті реакторларға арналған, соның ішінде франциялық AREVA NP фирмасының дизайнындағы реакторларға арналған AFA 3G типті отын үшін отын таблеткалары;
    • аршылуы қиын құрамында уран бар материалдарды қайта өңдеу бойынша қызметтер.

    Уран өндірісінің өнімін сертификаттаудағы орасан зор тәжірибе барынша қысқа мерзім ішінде өнімнің жаңа түрін игеруге мүмкіндік береді, мұның өзі жаңа нарықтарды игеру мен бар және әлеуетті Тапсырыс берушілермен ынтымақтастықтың жаңа белестеріне қол жеткізу мүмкіндігін береді.

    kn   Уран өндірісінің маркетинг қызметі:
    email: Marketing_U@ulba.kz
    телефон: 7 (7232) 29-86-05
    факс: 7 (7232) 24-06-83, 7 (7232) 29-82-73

    Новости по теме