Кемел жас
25 жыл, бұл көп пе, әлде аз ба? Адам үшін, бәлкім, көп емес шығар, ал Көрме-ақпарат орталығы үшін – кемел жас!
1998 жылы зауыттың 50 жылдық мерейтойына дайындық аясында Орталық мәдениет үйіндегі Еңбек даңқы мұражайын жабу туралы шешім қабылданды. Ғимаратқа күрделі жөндеу қажет болғандықтан, экспонаттарды шұғыл түрде құтқару керек болды. Жұмыспен қамту бөлімінің бос тұрған дүкендерінде мұражайды орналастыру идеясы ұсынылды. Сол кездегі ҮМЗ бас директоры Виталий Хадеев оны толығымен қолдады. Зауыт тарихын кезеңдерге сәйкес орналастыру туралы шешім қабылданды. 1999 жылдың 21 қазанында тарих залы мен дәріс залын қамтитын мұражайдың бірінші кезегі тапсырылды. 2000 жылы екінші кезек аяқталды, оған көрме залы мен қайта жанданған «ҮМЗ-информ» зауыт газетінің редакциясы кірді.
Осылайша мұражай Көрме-ақпарат орталығына айналды. Альберт Ефимович Гофман мен Светлана Николаевна Мордвинова мұражайдың қалыптасуына өз жанын салды, бұл олардың ұмытылмас еңбегі және бұл үшін зауыттың оларға алғысы шексіз! Корифейлердің тәрбиесін көрген менеджер Алена Константинова мен маман Елена Луговская бүгін келушілерді зауыттың керемет тарихымен таныстырады. Біздің орталықты абаттандыруға үлесін қосқандарды да атап өткен жөн, олар Галина Косоухова, Елена Климова, Галина Гончаренко, ал қазір – Оксана Дегтярева мен Наталья Воробьева. 2009 жылы КАО қызметкерлеріне оны құрғаны үшін В.П. Потанин атындағы сыйлықақы берілді. 25 жыл ішінде орталыққа қанша адам келгенін есептеу қиынға соғады. Аяқталмаған 2024 жыл ішінде 4 815 адам біздің қонақтарымыз болса, өткізілген іс-шара саны 214-ті құрайды! Мұражай стендтерінде зауыттың ең лайықты қызметкерлерінің портреттері орналасқан. Бірақ тарих шежіресінде зауыт жұмысшыларының көбірек санын көрсету үшін КАО барлық бөлімшелердің тарих альбомдарын жасаууына бастамашы болды, бүгінде олардың саны 147 дана. Олар ардагерлермен мерейтойлық кездесулерде сұранысқа ие. Бір қызығы, бүгінде альбомдар бірыңғай стильге жасалады, бөлімшелер электронды түрде беттерін толықтырып, ал басып шығаруды ПКМБ орталықтан іске асырады. КАО-да көптеген зауыттық іс-шаралар өткізіледі, мемлекеттік және саяси қайраткерлерге, зауыттың іскери серіктестеріне арналған экскурсиялар да сұранысқа ие. Мектеп, колледж, ЖОО оқушылары мен студенттерінің арасында кәсіптік бағдар беру жұмыстарына ерекше назар аударылған. Кейде, тіпті экскурсиялар бір уақытта екі залда жүргізілген кездер де болады!
Сондай-ақ, зауыт қызметкерлері КАО өткізетін сурет және фотосурет көрмелеріне қызығушылықпен келеді. Соңғы 25 жыл ішінде зауытта көп нәрсе өзгерді: жаңа өндірістер іске қосылды, жетілдірілген және жаңа өнімдер шығарылады, жаңа адамдар келуде, жаңа идеялар пайда болуда ... Осының бәрін мұражайдан білуге болады. Зауыттың жүрегі соғып тұрғанда, КАО-ға апарар жол да өшпейді. Сондықтан біз үшін ең бастысы – өткеніміздің даңқы мен бүгіннің тарихын аялап сақтау!
Владимир Донцов, КАО директоры
Жаңарту күні: 08.01.2025
